وتوێژ لەگەڵ کافکا

بۆ ئەو سەرکردانەی ڕۆژهەڵات کە ناتوانن دیفاع بکەن لە شۆڕشی شۆڕشگێڕان.
تکایە بیخوێننەوە بە وردی و بیری لێ بکەنەوە.
بیرکردنەوە ڕێگای ڕزگاری کوردە.

پەرتووک : وتووێژ لەگەڵ #فرانتس_کافکا
نووسەر: #گوستاو_یانووش
وەرگێڕان لە فارسی بۆ کوردی : #مەسعود_پژوهی

ـــــــــــــــــــــــــ
لەگەڵ دکتۆر کافکا لە ساحەی کەشتی و باخیرەکان بووین .
واگۆنهایەک بە باری قوورسی زووخاڵ لەسەر پرددێک بوون .
بیرەوەیەکم وەبیر هاتەوە.
دەستم پێ کرد بۆ دکتۆر کافکای بگێڕمەوە:
لە کۆتایی ساڵەکانی شەڕدا بووین ، مناڵی ئەو ناوچەی ئێمە، "کارۆلینن تاڵ" هەمو ڕۆژێک ئەچووین بۆ شاخی "زیگزاگ" و لەسەر پێچێکدا کە لێژیش بوو شەمەندەفەر مەجبوور ئەکەوت هێواشی بکاتەوە ، بازیان ئەبردە ناو واگۆنەکان و تیکەی زووخاڵیان ئەخستە دەرەوە و دواتر ئەهاتن کۆیان ئەکردەوە و لە ناو جالیسیان ئەکرد و ئەیانبردەوە بۆ ماڵ . بۆ ناو زۆمپا و خۆیان لێ گەرم ئەکردەوە.
وەبیرم دێت دانەیەک لە هاو پۆلەکانم کەوتە ژێر چەرخی شەمەنەدەفەر و تیکە تیکە بو .

کافکا پرسیاری کرد: تۆ ئەو دیمەنەت بەچاو خۆت دی ؟

نە ، مناڵەکان ئەو بەسەرهاتەیان باس کرد.

کافکا : مەگەر تۆ نەدەڕۆشتی لەگەڵیان ؟
بۆچی نە ؟ جار جار منیش ئەچووم لەگەڵیان . بەڵام من بەس سەیرم ئەکرد . ئێمە لەماڵدا زووخاڵمان زۆر بوو و پێویستمان نەبو. لە پشت دارەکان خۆم ئەشاردەوە ، زۆر سەرسووڕ هێنەر بوو.

کافکا وشە بە وشەی قسەکانمی گوێگرت .
وتی : شەڕ بۆ گەرما ــ کاتێک لە نەبوونی گەرما ڕەق ئەبیتەوە ــ هەموو کات سەرسووڕ هێنەرە.بۆ ئەوەی کە کێشەی هەڵبژاردن لە نێوان مان و نەمانە . ناکرێت بەس سەیرکەر بیت . لەوێدا دارێک نیە کە هۆشی پێتەوە بێت و خۆت لەوێ بشاریتەوە. ژیان شاخی زیگزاگ نیە . لە ژیاندا هەرکات ئەگەری ئەوە هەیە بکەویتە ژێر چەرخی گەردوون ، زایفەکان و بێ کەسەکان پێشتر لە بەهێزەکان و دەوڵەمەندەکان . بازێ کەس پێش گەشتن بە چەرخەکان دەشکێن و ورد دەبن .

قسەکەیم قەبووڵ کرد .
ڕاستە . "وندا "ی بچووکیش جاری وا بو لەگەڵ من لە دارستانەکە ئەمایەوە و ئەگریا . ئەترسا . نەیەویست هیچ بدزێت . بەس بەو بۆنەوە دەهات کە منداڵانی دیکە گاڵتەیان پێ ئەکرد و هەرکات بە دەستی خاڵی ئەگەڕایەوە دایکی بە کووڵە گۆچانێک تەمێی ئەکرد .

کافکا هەردو دەستی کردەوە و هاواری کرد :
چاوت لێیە ؟ ئەوە چەرخی شەمەندەفەرەکان نیە هاو پۆلیەکەتان ورد ئەکات ، بەڵکو نەبوونی محیبەت دەوروپشتەکانە کە زۆر پێشتر وردیان دەکات و دەیانهاڕێت.ڕێگایەک کە دەبێتە مەترسی و کارەسات . هیچێکی دیکە نیە بێجگە لەوە . بە سەپاندنی زۆر و هێز شتێکی زۆرت گیر نایەت.دو سێ تیکە زووخاڵ کە دەیخەیتە ناو زۆمپا و بە زوترین کات دەبێتە خۆڵ و کۆتایی دێت. ئەو کاتە دووبارە سەرما دێتەوە و دوبارە ئەلەرزن و ڕەق هەڵدێن . هەروەها هێزێک کە هەمو جار دەبێت بازدەیت و بازدەیت و ڕۆژ لەدوای ڕۆژ کەمتر دەبێتەوە و مەترسی کەوتنە ژێر چەرخ زۆرتر ئەبێتەوە.
ئەو کاتەیە کە بچیت بۆ سواڵ کردن ڕەنگە باشتر بێت و ڕەنگە چەن تێکە زووخاڵت تێوەپێچن ... .

قسەکەی کافکام بڕی : بەڵێ وایە . بەڵام ئەمانیش لە سەرەتای ڕۆشتنەکەیان بۆ لای شەمەندەفەرەکان دەوەستان و سواڵیان ئەکرد و ئەوانەی کە لە شەمەندەفەرەکە کاریان ئەکرد بەزەییان دەهاتەوە و بازێ جار چەن تیکە زووخاڵیان هەڵ دەدا . مناڵەکان کاتێک بازیان بردە ناو شەمەندەفەرەکان کە چیتر سەخاوەت و بەزەیی کرێکارەکان کۆتایی هاتبو .

کافکا وتی : بەڵێ هەر وایە . منداڵەکان کاتێک زاتیان شکا و نەترسانە پەڕینە ناو شەمەندەفەرەکە کە بەخشش کۆتایی پێ هاتبو و ناهوومێد ببوون لە بەخشش .
من چاوم لێیانە کە چۆن ناهومێدی ئەوان دەبات بەرەو چەرخی شەمەندەفەرەکان .

ـــــــــــــــــــ

پشتگیری لەو ڕۆڵانە کە چیتر ناترسن و زاتیان لە هێزی ئێرانی شکاوا و دەست دەدەنە شۆڕش ئەرکی سەرشانی گشتمانە .
ئەو ڕۆڵانەی کە هەڵبژاردن ئەکەن لە نێوان مان و نەمان دا ، دەبێت بتوانین پشتیان بگرین ئەگینا خیانەتمان کردوە بەو هەڵبژاردنەی کە ئەوان دەیکەن .

#ڕەنگێکی_نوێ