نادیا موراد

نادیا موراد

نادیا موراد کەنیشکێکی کوردی ئیزەدی دەستدرێژی سێکسی کرایە سەری لە لایەن هێزی داعش (دول ایران ، عراق و شام . شام همان سوریه امروزیست.) و دواتر ڕزگاری دەبێت و دەبێتە نوێنەری ئاشتی لە لایەن نەتەوە یەکگرتوەکانەوە . هەزاران کچ و پیاوی کورد دەس درێژی سێکسیان کراوەتە سەر چ لە ناو ئێران و تورکیە و عێراق و سوریە . ئەمە کارەساتە

بەڵام پرسیار بۆ چی وەکو کوردێک نابێتە نوێنەر ؟

دەستدرێژی سێکسی بۆ کورد :
لە بیرەوەری ڕۆژانە ، مانگانە و ساڵانەی هەر تاکێکی کوردا ئەو بیرەوەریە هەیە کە کاتێک دەست درێژی سێکسی  دەکرێتە سەر تاکێکی کورد لە بنەماڵەیەک و تەنانەت لادێیەک و تەنانەت شارستانێک ئەندامانی ئەو بنەماڵە و تەنانەت لادێ و جارو باریش لە شارستانەکە دەس دەدەنە سیلاح و بکەری ئەو دەسدرێژیە دەکوژن و بەو شێوازە تۆڵەی خۆیان ئەکەنەوە .

ئەوەی کە ڕوونە لەو دەسدرێژەیەی کە کرا سەر کورد لە سووریە و عێراق و ئێران و تورکیە ، ئەو نەتەوانە ڕاستەوخۆ و یا ناڕاستەوخۆ بەشدار بوون و بکەری ئەو دەسدرێژیە بوون .
ئەوان نەک لە دەسدرێژی سێکسی بەکو لە خاکو و ئاو و زمان و کولتوری کورد خەریکی دەسدرێژین .
ئەمە لەکاتێکدایە کاتێک کە کورد وەکو تاک باس دەکەن و ئێژن فڵانەکەس دەسدرێژی کراوەتە سەری و دەی باشە قەینا با بێین وەکو ئاشتی خوازانە حەلی کێشەکان بکەین و خەڵاتێکی ئاشتی بدەینە ئەو تاکە و ئەمە لەناو کورددا ئەمڕۆ بووەتە جێگای شانازی کە بەڵێ خەڵاتی ئاشتیمان وەرگرت . کورد ئەبێت لە ماتەمینی ئەو دەسدرێژیە سەر شۆڕ بکاتەوە و سەدان ساڵ خەبات و دەبێت تۆڵە بکاتەوە .

لەو خەڵاتە چەندین ئامانجیان هەبو :

کوردی ئیزەدی وەکو کەمینەیەکی ئیزەدی بە جیهان بناسێنن و نەک وەکو کوردێکی ئیزەدی .(سەیر لەوەدایە کە هەندێک ڕۆشن بیر دێن و بە قەیچێکا قەیچێکا و ناومان برا ناومان برا دەیسڕنەوە و ئەو کارەساتە.)

کوردی وەکو نەتەوەیەک کە ڕۆژانە دەسدرێژی ئەکرێتە سەری ئەو کارەساتەی لە کوردستان بەڕێوە ئەچێت کورتیان کردەوە و کردیان بە ژنانی ئیزەدی .

ئەو کارەساتەی حکومەتانی جیهان بە فرۆشتنی سیلاح و شەڕ بە کورد کردیان و نەتەوەکانی ناوچە ئەو کارەیان کرد لایان برد لەسەر نەتەوەکان و کورتیان کردەوە سەر داعش و ڕەسمەن حکومەتی عێراق و ئێران و... بوونە دەس پاکی ناوچە.

هیوادارم کە ئەو خەڵاتە بۆ نادیا ببێتە هۆیەک کە کەمێک لە خەمو پەژارەی ئەو کارەساتە کەم ببێتەوە ، بەڵام بۆ کوردێک کە خۆی بە پارێزەری کولتوری و نەریت و خاکی کوردستان ئەزانێت باوەڕ ناکەم ببێتە هۆی لەبیر بردنەوە کارەساتەکە .

کارەساتێک کە دوژمنان لە کوردستان دەیخوڵقێنن نە بە ئاشتی چارەسەر دەبێت و نە بە دمۆکراسی بەڵکو تەنیا بە شۆڕش چارەسەر ئەکرێت .