ڕۆژی دوایی کە ئایینداران وەکو ئامرازێک بۆ ترساندن مرۆڤ بە کاری دێنن .
وڵامی ئەو ترسە و بۆچونی ئایینداران لە بەرانبەر ترسدا لە سێ بەش دا ئامادە کراوە کە دایدەنێم.
ئایا ئێمە دوای مردن زیندو دەبینەوە ؟
✅ بەشی یەکەم
پێش ئەوە کە بمانەوێت باسێک لە سەر ئەوەی بکەین بە باشی دەزانم ئەوەی بێژم کە مردنی مرۆڤ باس لەو مرۆڤەیە کە دوێنێ مردوەو ئەمڕۆ تۆ لە جێگای ئەو وەستاویت.
فەیلەسوفەکان و مرۆڤی ئاییندار وایان دەزانی کە مرۆڤ لە دو بەش پێکهاتوە :
ڕۆح و جەستە.
ئەوان پێیان وابو کە جەستە بە تێپەڕ بوون کات لە ناو دەچێت و دەبێتەوە بە خاک و #ڕۆحیش کە تا ئەبەد نامرێت . بۆیە لە ڕۆژی دواییدا دوبارە جەستە زیندو دەبێتەوە و ڕۆح دەچێتەوە لەشی و ئەگەر #چاکە بکات و یا #خراپە سزا و پاداش خوی دەبینێت.
جەستەی مرۆڤ لە مادە درووست دەبێت . بە پێ زانستی ئەمڕۆ مادە بە چرکە لە گۆڕاندایە تەنانەت کاتێک کە باس لە کوانتۆم مادە دەکەن ئێژن هیچ حاڵەتێک وەستاوی نیە و گۆڕانکاری چرکەیی بە خۆە دەبینێت. ناتوانین بێژین ئەو ئەتۆمە ئەتۆمی چەن چرکەی پێشە.
هەر ئەوە لە مێشکی مرۆڤدا ڕو دەدات.مرۆڤ بیر دەکاتەوە ، هەست دەکات و کردەوە لە خۆی نیشان دەدات. بۆیە مرۆڤ بۆ ئەو کردەوانە لە هیچ جەوهەرێک تایبەت کەڵک وەرناگرێت .
کەسایەتی مرۆڤ بریتیە لە بیرەوەریەکانی و خو و هەستەکانی لە چرکەو ساتەکانی پێشتر دا. جەستەی مرۆڤی ڕۆژی پێشتر بوونی نەماوە بەڵکو لە ڕێگای مادەوە گۆڕاوە و کەسایەتی(بیرەوەری و هەست و خوەکان) ئەو ماوەتەوە بۆ کەسایەتی ئەمڕۆ.
بە واتایەک دیکە من ئێستا بوومەتە خاوەن کەسایەتی جەستەیەک کە دوێنێ ژیاوە و ئەو کەسایەتیە لە ڕێگای جەستەوە گوازراوەتەوە بۆ من. من وا ئەزانم ئەوەی دوێنێ خۆم بووم چوونکا بوومەتە خاوەن بیرەوەری و خوی ئەو منەی کە دوێنێ بوە.
لە ڕاستی دا منی دوێنێ ڕاستیەکی مێشکیە کە تێکەڵ دەبێت بە منی ئەمڕۆ.منی ئەمڕۆ کەسێکە کە بریتیە لە بەسەرهاتی دوێنێ و پێرێ و ... کە منی ئەمڕۆی پێک هێناوە.
منێک کە ئەمڕۆ هەیە لە منی دوێنێ درووست دەبێت و ئەگەر جەستەیەک نەبێت کە ئەو منە بگوێزێتەوە بۆ منی ئەمڕۆ ئەو منە تەواو دەبێت و هیچ جەوهەرێک ناتوانێت ببێتە خاوەن ئەو منە چوونکا ئەو منە پێوەندی بە کردەوە و خوی منی دوێکەوە هەیە .
بۆیە ئەگەر باوەڕمان ببێت کە لە جیهانێک دیکە ئەو منە زیندو دەبێتەوە ئەشێ باوەڕمان ببێت کە گشت ئەو خو و ئەو هەست و ئەو بەسەرهاتانە زیندو دەبنەوە .
بەڵام ئایا ئەو منە ناتوانێت گۆڕانکاری بەسەردا بێت؟
"وڵام ئەو پرسیارە لە بەشەکانی دیکەدا دەدەینەوە."
#ڕەنگێکی_نوێ
نظرات
ارسال یک نظر