سیستم

هاوڕێ بەردەوام لەگەڵمان
هەڵبەستێکی ناردوە پێشکەشتان دەکەم.

سپاس بۆ هاوڕێ خۆشەویست "هەڵۆی سوور"
ـــــــــــــــــــــــــــــــــــــ💐💐💐


ئاخ لە بێدەنگی شەو
شەوێکی ساردو کزو مات
لە بێ دەنگی شەو
لە بێدەنگی شەوێکی ساردو کڕێوە
دوو هەڵۆی سوور
دوو هەڵۆی بڕوا چیا
خۆیان کرد بە چرای ڕووناکی ڕێگا
خۆیانو خۆیان
خۆیان وەک مۆم دەتواندەوە وەکوو شەمع بە دوای چەند کاتژمێر سووتانەوا

شەو زۆر تاریک بوو
ڕێگا ئاخێنراو لە مەترسی
تەنیا ئەو دوو هەڵۆ بوون لەگەڵ ڕۆحی ڕەشی شەوی خۆفناک دەستەو یەخە بوو بوون
هەڵۆ سوورەکان
هەڵۆ بڕوا چیاکان
لە کاتێکدا دەستیان لە نێو دەستی یەک بوو
ڕوو لە شاخی ئاواتەکان ڕۆشتن
باڵگرتنەوە تا سەری شاخ
تا سەری شاخی ئاواتەکان
ڕۆشتن
کاتژمێر لە دوای کاتژمێر
بەر لە گەرم بوونی تیشکی خۆرەتاو
هەناویان سووتاو
هەناویان سووتاو
هەر ئەوان بوون بەندی قەفەسی تاریکی شەوی ساردیان شکاند
هەر ئەوانە بوون بوونە سووری خۆری بەر بەیان
هەر ئەوانە بوون پەڕو پۆیان هەزار تیری لێ درووست بوو
گشت جیهانی گرتە بەر
پەڕو پۆیان تیری لێ درووست بوو بۆ چاوی نەیاران
ئێستا کە بیریان دەکەم
دەمارەکانم خوێنی لێ دەچۆڕێت
چاوانم فرمێسک
ناڵەم لە زمان
هەر هەموویان دەبنە گۆرانی ئەنفال
لەگەڵ کیمیا باران تێکەڵ دەبن
دەبنە هەڵبەستێک بۆ شێرکو
هۆنراوەیەک بۆ هەژار
تینێک بۆ قاڵەمەڕە
 مۆسیقایەک بۆ چەکوو تفەنگ
گرپە گرپی ئاگری سوور
سووری ئاگر گۆرانی بەرەو ئاسۆ دێنێتە زمان
گۆرانی یادی دوو هەڵۆی سوور دەخاتەوە مێژوو
مێژوو کڵپەکڵپی دێت
گڕی گرتوە
ماتڵ سوورە هەڵۆکانە
بگەڕێنەوە

@atheistKURD


https://t.me/joinchat/AAAAAEO034gdxj03jTvjRQ